لو انت عندك صفحة او حساب للبيزنس بتاعك علي منصات السوشيال ميديا او عندك موقع او متجر الكتروني او بتعمل اعلانات علي السوشيال ميديا فانت محتاج تعرف ازاي تكتب محتوي يحقق الاهداف الي بتتمناها، زي مثلا زيادة عدد المتابعين والتفاعل، زيادة المبيعات والطلبات …الخ.

في مقولة مشهورة في التسويق الالكتروني بتقول ان المحتوي هو الملك، والمقولة دي صحيحة بنسبة 100% لان المحتوي هو الوسيلة الوحيدة الي بتقدر من خلالها تشرح الحاجة الي انت عايز تقولها للجمهور بتاعك عشان في النهاية ياخد اجراء معين Call To Action (CAT) زي مثل انة يبعتلك عشان يشتري منك منتج او خدمة انت بتبيعها سواء كنت بتبيع مباشرا عبر صفحات السوشيال ميديا او عبر الواتساب او عبر موقعك او متجرك الالكتروني.

اهم حاجة لازم تعرفها عن كتابة المحتوي ان المحتوي لازم يكون نابع من القلب وصادق عشان المشاهد يتفاعل مع المحتوي وميحسش بالملل ودي اهم خطوة لازم تحطها في اعتبارك ان المحتوي يكون صديق للمشاهد بيتكلم بنفس الطريقة الي هو بيتكلم بيها ودي بنسميها tone of voice او النبرة الصوتية للمحتوي.